Sırııaǵa ótpek bolǵan Ózbekstan azamatyn AQSh 15 jylǵa sottady
ASTANA. QazAqparat - Nıý-Iork soty Ózbekstan azamaty Abdrasýl Djýraboevty «Islam memleketi» terrorıstik uımynyń qataryn tolyqtyrmaq bolǵany úshin 15 jylǵa bas bostandyǵynan aıyrdy. Bul týraly juma kúni AQSh-tyń Ádilet mınıstrliginń saıtynan málim boldy, dep jazady TASS.
«Aıyptalýshy «IM» uıymynyń múshesi bola otyryp, qastandyq áreketterge barmaqshy boldy jáne ol óziniń qanquıly áreketterin AQSh aımaǵynda da odan tys jerlerde de júzege asyrýǵa daıyn»,-dep keltirgen baspasóz-baıanynda prokýrordyń orynbasarynyń sózin.
Sondaı-aq onda 2014 jyly Djýrabovetyń ózbek tilindegi saıtta óziniń jankeshti bolýǵa daıyn ekenin jáne sol kezdegi AQSh prezıdenti Barak Obamany óltirgisi keletindigin aıtyp, habar qaldyrǵandyǵy jazylǵan.
Arnaıy taratylǵan aqparattarda Djýraboevtyń 2015 jyldyń naýryz aıynda Nıý-Iorktan Stambýlǵa jetip, odan ári Sırııaǵa barmaq bolǵandyǵy aıtylady. Osy jyldyń 14 tamyzynda ol óziniń kinásin moıyndaǵan.
