Sırııaǵa qarsy soǵysty qoldaıtyn memleketterdiń sany artyp keledi
ASTANA. 8 qyrkúıek. QazAqparat - Sırııaǵa qarsy áskerı operatsııany qoldaıtyn memleketterdiń qataryna Germanııa da qosyldy. Kúni keshe ǵana osy eldiń syrtqy ister mınıstri Gıdo Vestervelle osyndaı málimdeme jasady.
«Biz Sırııada hımııalyq qarýdy qoldaný boıynsha halyqaralyq qaýymdastyqtan naqty sharalardy talap etý týraly on bir eldiń málimdemesine qosylamyz. Men jáne Germanııa kantsleri Angela Merkel atalǵan málimdemeni qoldaýǵa sheshim qabyldadyq», - deıdi G.Vestervelle. Buǵan deıin osy málimdemege AQSh, Avstralııa, Kanada, Frantsııa, Italııa, Japonııa, Ońtústik Koreıa, Saýd Arabııasy, Ispanııa, Túrkııa jáne Ulybrıtanııa qol qoıǵan bolatyn. Aıta keteıik, Sırııaǵa qarsy soǵysty ashý bastamasyn AQSh prezıdenti B.Obama kóterdi. Onyń bul bastamasyn Amerıkanyń senatorlary qoldady. Beıbitshilik úshin Nobel syılyǵynyń laýreaty B.Obamanyń ózi bolsa, kongresstiń qoldaýyn kútip otyr. Reseı jáne basqa da memleketter Sırııadaǵy soǵysqa qarsy. Olar BUU mamandary ótkizgen saraptamanyń naqty qorytyndysyn kútýdi talap etýde. Sebebi halyqaralyq sharttarǵa sáıkes, BUU Qaýipsizdik keńesiniń ruqsaty bolmaı, halyqaralyq ınterventsııany bastaýǵa bolmaıdy. Jaqynda Sankt-Peterborda ótken G20 sammıtinde RF prezıdenti Vladımır Pýtın Sırııadaǵy soǵystyń negizgi sebebin de ashyp berdi. Onyń aıtýynsha, Taıaý Shyǵysta bolatyn qandaı da bir shıelenister eń aldymen munaıdyń álemdik baǵasyna áser etip jatady.
