Sırııadan saǵy synyp, sal bolyp oralǵan kelinshek bastan keshken oqıǵasyn aıtty
Erinen aıyrylǵan kelinshek sol bir zulmat ýaqytty kóz jasynsyz esine almaıdy.
Áıeldiń basynan keshken oqıǵasyn Almatydaǵy Ońaltý ortalyǵynyń mamandary jazyp alǵan.
Saǵıda qan tógiske toly Sırııanyń topyraǵyn birinshi ret 2013 jyly basqan.
Onyń kúıeýi 1 jyl buryn barǵan.
Jat elge kele salysymen birinshi kezde bári jaqsy bolǵan. Keıin alasapyran dúnıe bastaldy.
«Bizde balamyz joq edi. Ol jaqta kúıeýim qarsy aldy. Jylap-eńirep, áıteýir, jettik-aý Sırııaǵa! Alǵashynda bári jaqsy boldy. Keıin Kıshmadan Baǵýzǵa deıin qatty qıyndyq kórdik. Jaıaý ásker kórmedik, aýyr artıllerııa boldy ol jerde. Ásirese, áýeden bombalaý qorqynyshty edi…», – deıdi áıel.
Kúıeýi 3 jyldan soń bombanyń astynda qalyp, kóz jumǵan.
Jalǵyz qalýdan qoryqqan Saǵıda Reseıdiń Álı degen qazaǵymen bas qosady. Kúrdterdiń lagerine aparar jolda ol kúıeýinen adasyp qalady. Keıin bul kúıeýi quqyq qorǵaý organdarynyń quryǵyna túskenin biledi.
«Kúıeýim búginde túrmede otyr. Eki kúıeýim de DAISh-tyń quramynda boldy. Biz kishkene qatelik jiberdik, asyǵystyq jasappyz. Ol jaqta ne bolyp jatqanyn kózimizben kórdik. Saıasat ol jaqta, munaıǵa talasyp jatyr. Túsinbeı júrgen «baýyrlarǵa» asyǵystyq jasamańdar der edim. Ol jaqta basqa elderden kelgenderge jaman qaraıdy. Arabtardyń tamaqtary toq, aqshasy bar. Al bizder, jan-jaqtan kelgender, ashyqtyq, aqshamyz bolmady. Men balanyń úlkenimin. Men joqta ákem qaıtys bolypty. Ony osy jańa estip otyrmyn… Anam bar. Bizdi elge aldyrǵan Elbasyǵa, Prezıdentke raqmet! Qansha sábıdiń, áıelderdiń ómirin saqtap qaldy. Óte razymyn», - dedi ol.
Áıel jat elden múgedek bop oraldy. Sýǵa shyqqanda sodyrlardyń jaýdyrǵan oǵynyń astynda qalǵan. Qańǵyǵan oq áıeldiń san súıegin shaǵyp ketken. Sonyń kesirinen Saǵıda qazir arbaǵa tańylǵan.
Alaıda ol súıegindegi temirlerin alǵan soń jumys istep elge paıdasyn tıgizý nıetin de jasyrmady.
«Men buryn tiginshi bolǵanmyn. Emdelip alǵan soń eshkimge salmaǵymdy salmaı, jumys istegim keledi. Úkimet bizdi Sırııadan ákelýge qyraýar aqsha jumsady, óte yńǵaısyz», – dedi Saǵıda.
Sırııaǵa ketken otandastarymyz búginde Elbasy Nursultan Nazarbaevtyń qoldaýymen «Jýsan» operatsııasy arqyly elge qaıtyp jatyr.
Osy ýaqytqa deıin «Jýsan-1» operatsııasynan - 47 adam, «Jýsan-2» operatsııasynyń arqasynda - 231 adam, «Jýsan-3» operatsııasy arqyly 300-ge jýyq adam elge qaıtqan. «Jýsan-4» operatsııasynyń arqasynda qansha adam kelgeni naqty belgisiz.
QR Bilim jáne ǵylym vıtse-mınıstri Bıbigúl Asylova habarlaǵandaı, búginde 506 bala Sırııadan qaıtyp keldi. Qazirgi tańda elimizde jasóspirimderdi qoldaýǵa arnalǵan 15 áleýmettik-psıhologııalyq, quqyqtyq ortalyq jumys istep tur. Ortalyqta táýlik boıy statsıonarda 14 balaly 4 ana bar. Qalǵandary kúndizgi statsıonarda. 254 bala mektepke deıingi tárbıemen qamtylǵan. ıAǵnı, ol balalar mektepke deıingi uıymdarǵa baryp júr.
Mektepterde 153 bala oqyp jatyr. Sondaı-aq jetim qalǵan 33 bala bar. Olar jetimderge arnalǵan uıymdarǵa taratyldy.
