Sırııadan oralǵan shymkenttik búldirshinder qoǵamǵa beıimdelýde
Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń bastamasymen «Jýsan» operatsııasy elge qaıtarylǵan otbasylardy dástúrli qundylyqtarǵa baýlý sharalary júrgizilýde, dep habarlaıdy QazAqparat tilshisi.
Elge oralǵan Shymkent qalasy ishki saıasat jáne din isteri basqarmasynyń Din máselelerin zertteý ortalyǵy men qoǵamdyq qorlar, áleýmettik-psıhologııalyq, quqyqtyq qoldaý ortalyqtary men uıymdar osyndaı januıalarmen kezdesýler ótkizýde. Dintanýshy jáne psıholog mamandardyń qastysýymen beıimdeý ortalyqtarynda ońaltylyp jatqan azamattarǵa teologııalyq ári psıhologııalyq túsindirme jumystary júrgizilýde.
Osy tusta qýyrshaq jáne jasóspirimder teatry da elge oralǵan balalardyń jaı-kúıin nazardan tys qaldyrmaı, jazýshy-dramatýrg M.Baıǵuttyń «Dostyq mektebi», I.ıA.Zlatopolskıılerdiń «Láılek» qoıylymdaryn qoıdy. Qyzyqty qoıylymdy qyzyǵa tamashalaǵan balaqaılar túrli ertegi keıipkerlerin kórip, kóńildi áýenge bı bıledi. Sahnalyq qoıylym búldirshinderge kóterińki kóńil kúı men zor qýanysh syılady.
Teatr basshysy Bahtııar Ábiluly balalarmen kezdesýde eldiń bolashaǵy óskeleń ekenin atap ótip, olardy qandaı jaǵdaı bolmasyn, qoǵamǵa beıimdeý, patrıotızmge baýlý, ultjandy urpaq qalyptastyrýdy basty nazarǵa alyp, elge eńbek etý qajettigin alǵa tartty. Qoıylymnan keıin «Shymkent jaqsylyq ordasy» eriktiler qoǵamy qaıyrymdylyq sharasyn ótkizip, «Shymkent – qaıyrymdy qala» bastamasy arqyly kúnkórisi tómen otbasylardyń balalaryna qoldaý kórsetti.
