Sırııadan Máskeýge ushyp kelgen arnaıy reıste qazaqstandyqtar da bar
ASTANA. QazAqparat - Máskeýdegi Domodedovo áýejaıyna Sırııanyń Jerorta teńizindegi portty qalasy Latakııadan arnaıy reıs jasaǵan Reseıdiń Tótenshe jaǵdaılar mınıstrligingiń Il-76 ushaǵy qondy.
Onyń bortynda Sırııadaǵy qaqtyǵystardyń kúsheıýine baılanysty Sırııadan ketýdi qalaǵan Reseı, TMD jáne Sırııanyń 59 azamaty bar. Arnaıy reıs jolaýshylarynyń qatarynda Reseı, Sırııa, Ýkraına, Belarýs jáne Qazaqstannyń azamattary da boldy, dep habarlandy RF TJM resmı saıtynda.
Sırııadaǵy azamattyq soǵys 2011 jyly bastaldy. Oǵan túrli toptar, sonyń ishinde lańkestik qozǵalystar bar. Qaqtyǵys saldarynan 230 myń adam qaza tapty.
