Sırııadan qashpaq bolǵan birneshe qazaqstandyq ólim jazasyna kesilgen - UQK

ASTANA. QazAqparat - QR Ulttyq qaýipsizdik komıtetiniń departament basshysy Baqytbek Rahymberdıev lańkesterdiń otandastarymyzdy qalaı aldaıtynyn aıtyp berdi, dep habarlaıdy QazAqparat tilshisi.

«Tartatyndardyń deni sheteldikter. Ásirese ınternet arqyly azamattarymyzben baılanysa bastaǵan. Bul nasıhat áleýmettik jelilerde de qyzý júrgizilgen. Olar ómirdiń ádil bolatynyn, barlyq dinı erejeler saqtalatynyn aıtyp, adamdardy aldap otyrǵan», - dedi ol Qazaqstan Respýblıkasy Syrtqy ister mınıstrliginde ótken baspasóz máslıhatynda.

Baqytbek Rahymberdıevtiń aıtýynsha, aldanyp shaqyrylǵan qazaqstandyqtar sol jerge barǵannan keıin shyndyǵynda jaǵdaıdyń múlde basqa ekendigine, eshqandaı ádildiktiń joqtyǵyna kóz jetkizgen.

«Onda musylmandar musylmandarǵa qarsy soǵysyp jatyr. ıAǵnı, ártúrli toptar bir-birimen qyrylysýda. Ol jaqqa bir barǵannan keıin qaıta shyǵý múmkin emes dese de bolady. Óıtkeni, ondaı áreket baıqalǵan jaǵdaıda adamdar ólim jazasyna deıin jazalanady. Bizdiń azamattardyń qashpaq bolǵany úshin ólim jazasyna kesilgeni týraly málimetter bar», - deıdi Baqytbek Rahymberdıev.

Aıta ketsek, keshe Memleket basshysy Nursultan Nazarbaev Sırııadan Qazaqstan azamattaryn evakýatsııalaý boıynsha gýmanıtarlyq operatsııaǵa baılanysty málimdeme jasaǵan bolatyn. Memleket basshysy atap ótkendeı, 6 qańtarda quqyq qorǵaý organdary men Syrtqy ister mınıstrligi júrgizgen gýmanıtarlyq shara nátıjesinde Sırııadan Qazaqstannyń 47 azamaty, sonyń ishinde 30 bala elge qaıtaryldy.

Al búgingi baspasóz máslıhatynda QR Syrtqy ister vıtse-mınıstri Erjan Ashyqbaev «Jýsan» operatsııasynan keıin de qaqtyǵys aımaqtarynda júrgen qazaqstandyqtardy Otanyna qaıtarý jumysy jalǵasatynyn málim etken edi.