Sırııadaǵy soǵys úsh táýlikke toqtatyldy
ASTANA. QazAqparat - Sırııanyń Homs qalasynda soǵys úsh táýlikke toqtaldy. Osy ýaqyt ishinde áıelder men balalar jáne 55 jastan asqan azamattar qalany tastap shyǵý tıis, dep habarlaıdy Reseıdiń Syrtqy ister mınıstrligi.
«Homs gýbernatory men BUU-nyń Sırııadaǵy óńirlik gýmanıtarlyq úılestirýshisi ıAkýb Hıllonyń arasyndaǵy birneshe kúnge sozylǵan kúrdeli kelissózderdiń sátti ótýinde Reseıdiń Damaskidegi elshiligi zor ról atqardy. Sonyń nátıjesinde soǵys úsh táýlikke toqtatylyp, eski Homs qalasynyń turǵyndaryna gýmanıtarlyq kómek kórsetý týraly kelisimge qol jetkizildi. Barlyq balalar men áıelderdi, jasy 55-ten asqan azamattardy, sonymen qatar jaralanǵandardy soǵys aımaqtarynan esh kedergisiz alyp shyǵý qarastyrylady», - delingen habarlamada.
