Sırııadaǵy medıtsınalyq qyzmetkerlerdiń jartysynan astamy elden ketip qaldy
ASTANA. 26 qazan. QazAqparat - Halyqaralyq gýmanıtarlyq uıymdardyń eskertýine qaraǵanda, Sırııada densaýlyq saqtaý salasynyń jaǵdaıy kún saıyn nasharlap barady.
Dúnıejúzilik densaýlyq saqtaý uıymynyń aqparaty boıynsha sırııalyq aýrýhanalardyń úshten bir bóligi jabylyp, medıtsınalyq qyzmetkerlerdiń jartysynan astamy elden qonys aýdarǵan. Eń soraqysy - qara naryqtaǵy dári-dármektiń quny keıbir jaǵdaılarda on esege deıin asyp túsedi. Budan bólek, atalǵan uıymnyń paıymynsha, on tórt jyldan beri Sırııada polıomıelıttiń alǵash belgileri paıda boldy. Bul indettiń beleń alýy sońǵy eki jylda sırııalyq jarty mıllıon balaǵa ekpe jasalmaýyna baılanysty. BUU málimeti boıynsha sırııalyq qaqtyǵys 100 myńnan astam adamnyń ómirin qıdy.
