Sırııadaǵy qazaqstandyqtar týraly beınebaıandy aqparattyq soǵys deýge bolady - E. Qarın
ASTANA. QazAqparat - Sırııada soǵysyp júrgen qazaqstandyqtar týraly beınebaıandy aqparattyq soǵys deýge bolady. Búgin Ortalyq kommýnıkatsııalar qyzmetindegi brıfıng barysynda ekstremızm men lańkestikke qarsy áreket jónindegi zertteýler nátıjesi týraly baıandaǵan saıasattanýshy Erlan Qarın osylaı málim etti.
«Qazir Sırııada nemese Aýǵanstanda eki júz, tipti úsh júz qazaqstandyq azamat soǵysyp jatyr degen áńgimeler aıtylyp júr. Ásirese, sheteldik sarapshylar tarapynan kóp nárse aıtylady, oǵan otandyq sarapshylar da qosylyp júr. Meniń oıymsha, Sırııada júrgen qazaqstandyq azamattardyń sanyn ásireletip jibergen. Bizdiń zertteýimiz boıynsha, aıtylyp júrgen sandar shyndyqqa janaspaıdy. Sonymen birge, ótken jyly bolǵan aqparatty shyn mánisinde, Qazaqstanǵa baǵyttalǵan aqparattyq soǵys deýge bolady. Jarnamanyń bir formasy bolsa kerek. Onyń negizgi maqsaty - sol aımaqtarǵa qosymsha adamdardy tartý», - dedi Erlan Qarın.
Onyń atap ótýinshe, top-top bolyp qazaqstandyqtardyń soǵysqa attanýyn kórsetý arqyly qandaı da bir top nasıhattyq qyzmetti júzege asyryp otyr.
«Búginde terrorızm bul tek jarylys pen atys-shabys qana emes, ony úlken aqparattyq soǵys dep te túsiný kerek. Sondyqtan shynaıy jáne jalǵan aqparatty ajyrata bilgen jón», - dedi E. Qarın.
