Sırııadaǵy qarýly qaqtyǵys: Bir túnde 6 bala qaza tapty

NUR-SULTAN. QazAqparat - ıÝNISEF rastaǵan málimetterge sáıkes, keshe túnde Sırııanyń soltústik-batysynda bastalǵan zorlyq-zombylyq saldarynan alty bala qaza taýyp, taǵy bireýi jaraqat aldy. Bul týraly QazAqparat BUU jańalyqtar saıtyna silteme jasap habarlaıdy.

ıÝNISEF-tiń Taıaý Shyǵys jáne Soltústik Afrıka boıynsha aımaqtyq dırektory mindetin atqarýshy Bertrand Benveldiń aıtýynsha, ótken túnde Sırııanyń soltústik-batysynda, atap aıtqanda shekaralas Atmeh qalasynda keń aýqymdy qarýly qaqtyǵys boldy. Kelip túsken málimetterge sáıkes, halyq tyǵyz ornalasqan aımaqtarǵa zaqym kelgen.

«Jyl basynan beri kómekke zárý 1,2 mıllıon bala turatyn soltústik-batys Idlıb provıntsııasy men onyń mańyndaǵy aýdandarda zorlyq-zombylyq aıtarlyqtaı órship ketti», - dedi ıÝNISEF ókili.

Sırııanyń osy bóligindegi kóptegen otbasylar zorlyq-zombylyqtan qutylý úshin atalǵan aýdanǵa qonys aýdarǵan kórinedi.