Sırııadaǵy qaqtyǵystan 20-ǵa jýyq adam qaza boldy
ASTANA. 5 qazan. QazAqparat - Sırııanyń soltústiginde Haseke provıntsııasynda juma kúni djıhadshylar men ıslam radıkaldy oppozıtsııa uıymdarynyń sodyrlary men kúrtter jasaǵynyń arasynda bastalǵan qaqtyǵystan 18 adam qaza boldy, dep habarlaıdy arab BAQ-taryna silteme jasap reseılik jańalyqtar qyzmeti.
Olardyń málimetine qaraǵanda, «Irak jáne Levant ıslam memleketteriniń» sodyrlary men basqa radıkaldy uıymdar juma kúni tańerteń «Halyq qorǵany» pozıtsııasyna Haseke provıntsııasynyń Safa kentiniń mańynda shabýyl jasaǵan. Kúrt sodyrlarynan bul qaqtyǵysta 4 adam mert bolǵan, al shabýyl jasaǵandardan 14 adam qurban boldy.
Eske sala keteıik, kúrtter men ıslam sodyrlary jáne Sırııanyń erkin áskeri oppozıtsııalyq jasaqtarynyń arasyndaǵy qaqtyǵys ótken jyldyń qarashasynan beri jalǵasyp keledi. Onda oppozıtsııalyq kúshter kúrtter ornalasqan eldimekenderde óz baqylaýyn kúsheıtken bolatyn. Áskerı qarýlanǵan qaqtyǵys saldarynan eki jaqtan barlyǵy 40 adam qurban boldy. Sodan beri osy aýdanda shıelenisken jaǵdaı saqtalyp otyr.
