Sırııadaǵy qaqtyǵysta qaza tapqandar sany 70 myńǵa jetti
ASTANA. 13 aqpan. QazAqparat - BUU-nyń adam quqyqtary jónindegi komıssary Navı Pılleı Sırııadaǵy qaqtyǵystarda qaza tapqandar sany 70 myńǵa jetkendigin málim etti.
Bul týraly ol uıymnyń Qaýipsizdik keńesiniń jıynynda aıtty.
Pılleı osydan bir aı buryn: "eki jylǵa jýyqtap qalǵan halyq tolqýlary men qaqtyǵystarda 60 myńnan astam adam qurban boldy",- degen edi.
Sondaı-aq Navı Pılleı Qaýipsizdik keńesine múshe elderdiń qaqtyǵysty retteýde áreket qylmaı otyrǵanyn, onyń "qarapaıym sırııalyqtar úshin zardaby úlken bolyp jatqanyn" eskertti.
Ol buǵan qosa Qaýipsizdik keńesin Sırııany halyqaralyq sotqa berýge taǵy da shaqyrdy.
Reseı men Qytaı Qaýipsizdik keńesiniń Damaskige qarsy sanktsııalar salýdy usynǵan qararyna buǵan deıin úsh ret veto qoıǵan edi, dep habarlaıdy «Azattyq».
