Sırııadaǵy hımııalyq qarýdy joıýdyń jospary bekitildi
ASTANA. 16 qarasha. QazAqparat - Sırııadaǵy jappaı qyryp-joıatyn qarýdy qurtýdyń jospary bekitildi, dep jazady ria.ru. Habarlamada aıtylǵan málimetke qaraǵanda, hımııalyq qarýdy joıý 2014 jyldyń ortasynda tolyq aıaqtalady.
Bul týraly Hımııalyq qarýdy joıý jónindegi uıymnyń atqarýshy keńesi habarlady. Jospar boıynsha hımııalyq zattardyń eń qaýiptileri osy jyldyń aıaǵyna deıin al basqa materıaldar kelesi jyldyń 5 aqpanyna deıin arab elinen shyǵarylady. Biraq qarýdy joıý jónindegi uıym taratqan aqparatta hımııalyq qarý qaı eldiń aýmaǵynda joıylatyny aıtylmaǵan. Resmı Damaskiniń málimetinshe, Sırııada 1300 tonna hımııalyq zat pen qoldanylmaǵan 1200 dana oq-dári bar.
