Sırııadaǵy hımııalyq qarýdy joıý týraly qarar qabyldandy - BUU Qaýipsizdik keńesi
ASTANA. 28 qyrkúıek. QazAqparat - BUU Qaýipsizdik keńesi Sırııadaǵy hımııalyq qarýdy joıý týraly tarıhı qarar qabyldady.
Búkil álem asyǵa kútken qujatty halyqaralyq qaýymdastyqqa múshe barlyq 15 el jaqtap daýys berdi. Biraq, qarardy qabyldaý qandaı qıyn bolsa, jaýapkershiligi de sonshalyqty aýyr. Qararda Sırııadaǵy hımııalyq qarýdy kez kelgen túrde qoldaný aıyptaldy jáne jappaı qyryp-joıatyn qarýdyń búlikshilerdiń qolyna túsýdiń aldyn alý qajettiligi aıtyldy. Eger, arab elinde hımııalyq qarýdy qoldaný oqıǵasy qaıtalatyn bolsa, BUU Jarǵysynyń 7-taraýyna sáıkes, shara qoldanylady. Bul taraý sanktsııalar men áskerı kúsh qoldanýdy qarastyrady.
«BUU Qaýipsizdik keńesiniń talabyna sáıkes, halyqaralyq sarapshylarmen birlese jumys isteýge sırııalyq oppozıtsııa da mindetti. Sırııa oppozıtsııasynyń jikke bólingen toptary «Jeneva-2» halyqaralyq konferentsııasyna qatysýǵa daıyn ekendigin málimdeýi kerek. Mundaı málimdemeni Sırııa Úkimeti jasaǵan. Sondyqtan, oppozıtsııa ókilderiniń demeýshilerin olarǵa tıisti yqpal etýge shaqyramyz.
Qarar Sırııadaǵy ýly zattardyń qoryn joıý josparynyń mańyzdylyǵyn salmaqtaı tústi. Bul jospar qarar qabyldanardan birneshe saǵat buryn Gaagada maquldanǵan bolatyn. Hımııalyq qarýǵa tyıym salý jónindegi uıym Sırııanyń hımııalyq qarýyn 2014 jyldyń ortasyna deıin tolyq joıý týraly baǵdarlamany bekitti. Sonymen birge, osy uıymnyń ınspektorlary 1 qazanǵa deıin Sırııadaǵy tergeý jumysyna kirisýi kerek»,- deıdiRF Syrtqy ister mınıstri Sergeı Lavrov.
AQSh Memlekettik hatshysyDjon Kerrıdiń pikirinshe, «bul qarar soǵystyń eń qorqynyshty qarýyn joıýǵa dıplomatııanyń shamasy jetetinin kórsetti. Eger qarar tolyq júzege asatyn bolsa, biz álemniń eń mazasyz aımaqǵy sanalatyn Sırııadaǵy iri hımııalyq qarý qoryn joıamyz. Biraq, Damask qujat talaptaryn oryndamasa, munyń saldary aýyr bolady».
Al Sırııadaǵy jaǵdaıdy retteý jónindegi «Jeneva-2» konferentsııasy qarashanyń ortasynda ótýi múmkin. Bul týraly BUU bas hatshysy Pan Gı Mýn málimdedi. Bas hatshynyń aıtýynsha, qazir bul sharýamen Sırııa boıynsha arnaıy elshi Lahdar Brahımı aınalysyp jatyr, dep habarlaıdy 24.kz.
