Sırııadaǵy deeskalatsııalyq aımaqty baqylaý úshin birikken jumys toby qurylady

MÁSKEÝ. QazAqparat - Sırııadaǵy deeskalatsııalyq aımaq týraly memorandýmdy iske asyrý úshin birikken jumys toby qurylady. Bul týraly RF QK Bas shtaby bas jedel basqarmasy bastyǵynyń orynbasary, general-leıtenant Stanıslav Gadjımagomedov málimdedi, dep habarlaıdy «QazAqparat» HAA-nyń Máskeýdegi tilshisi RF QM Aqparat jáne buqaralyq kommýnıkatsııalar departamentine silteme jasap.

«Bolashaqta barlyq kúsh Deeskalatsııalaý boıynsha birikken jumys tobyn qalyptastyrýǵa, býferlik jolaqtar men qaýipsiz aımaq koordınattary bar kartany jasaýǵa, olardy kelissózderdegi seriktestermen maquldastyrýǵa jumsalatyn bolady», - dedi ol brıfıngte.

Gadjımagomedov atap ótkendeı, toptardyń qyzmeti týraly esepter Astana protsessi aıasynda Sırııa ahýalyn retteý boıynsha halyqaralyq kezdesýler barysynda tyńdalatyn bolady.

«Sonymen qatar, kelisimdi oryndaý úshin tıimdi baqylaý tetigi qurylady», - dep atap ótti RF qorǵanys mınıstriniń ókili.