Sırııadaǵy bitim birinshi kúni-aq buzyldy
ÁBÝ-DABI. 27 qazan. QazAqparat - 26 qazannan, Qurban aıt meıramynyń alǵashqy kúninen bastap Sırııada úkimet jasaqtary men el prezıdenti Bashar Asadtyń qarsylastary arasynda ýaqytsha bitim óz kúshine endi.
BUU-nyń Sırııa boıynsha arnaıy elshisi Lahdar Brahımı Sırııa úkimeti men qarýly oppozıtsııa jasaqtary arasynda basty musylmandyq mereke kezinde atysty toqtatý jóninde kelisimge qol jetkizgen bolatyn. Ol tórt kúnge sozylýy tıis edi. Alaıda, Sırııanyń túrli aımaqtaryndaǵy qarýly qaqtyǵystar jónindegi aqparatqa qaraǵanda beıbitshilik kelisimi birinshi kúni-aq kúshin joıǵan sekildi.
Londonda ornalasqan Sırııanyń adam quqyǵy jónindegi baqylaýshy keńesiniń málimetterinshe, juma kúni elde 47 adam óltirilgen. Olardyń aqparatyna sáıkes, tańerteń myńdaǵan turǵyndar merekelik namazǵa meshitte jınalǵan. Tek osy ýaqytta tynysh boldy, namaz aıaqtalǵan soń Damask pen Aleppo qalalaryn baılanystyratyn jol boıynda qarýly qaqtyǵystar oryn aldy.
Sondaı-aq, Damaskide birneshe adamnyń ómirin qıǵan kúshti jarylys boldy. Lańkester avtoturaqqa qoıylǵan kólikti jaryp jibergen bolýy yqtımal.
