Sırııadaǵy atysta reseılik tilshi mert boldy
ASTANA. QazAqparat - Homs provıntsııasyndaǵy atys kezinde Russia Today telearnasynyń tilshisi mert boldy, dep habarlaıdy TASS.
Telearnanyń Sırııadaǵy tilshisi Haled al-Hatyb el armııasynyń terrorısterge qarsy júrgizgen operatsııasy týraly habar berip turǵan kezde qatty jaraqat alyp, mert boldy. Sondaı-aq shabýyldan operator Mýýtaz ıAkýbta zardap shekti. Ol emhanaǵa jatqyzyldy.
Russia Today telearnasynyń bas redektory Margarıta Sımonıan mert bolǵan tilshiniń otbasyna kómek kórsetiletindigin habarlady.
«Sırııada RT strıngeriniń mert bolýy biz úshin asa aýyr jaǵdaı. Mundaı qaza RT tarıhynda alǵash ret kezdesip otyr. Biz Haledtiń otbasyna, týys-týǵandaryna kómegimizdi aıamaımyz», - dedi Sımonıan.
