Sırııadaǵy áskerı operatsııany arab elderi qarjylandyrady - Dj.Kerrı
ASTANA. 5 qyrkúıek. QazAqparat - AQSh-tyń Sırııaǵa áskerı operatsııasyn arab elderi qarjylandyrady. Bul týraly Amerıkanyń memlekettik hatshysy Djon Kerrı málim etti.
«Rossııa - 24» arnasy habarlaǵandaı, Dj.Kerrı naqty qaı memleketterdiń qansha aqsha beretinin jarııalaǵan joq. «Amerıka áskerin qarjylandyrý - bul sheshilgen máselelerdiń biri», - dep qysqa ǵana qaıyrdy ol. Aıta keteıik, AQSh-tyń prezıdenti B.Obama Sırııanyń búgingi bıligin hımııalyq qarýdy qoldanyp, halyqaralyq normalardy buzdy dep aıyptady. Sol úshin B.Asadqa qarsy áskerı operatsııany ótkizýge múddeli. Alaıda BUU-nyń mamandary tıisti saraptamanyń qorytyndysyn áli shyǵarǵan joq. Soǵan qaramastan, B.Obama halyqaralyq ınterventsııany bastaýdy kózdep otyr.
