Sırııadaǵy áskerı operatsııalary saldarynan 103 adam qaza tapty
ASTANA. 25 aqpan. QazAqparat - Sırııanyń Homs qalasyndaǵy bombalaý saldarynan 103 adam qaza tapty. Mundaı málimetterdi eldiń quqyq qorǵaý uıymdary keltiredi, dep habarlaıdy Ýtro.rý.
Qaza tapqandardyń kóbi - beıbit turǵyndar ekeni, sonyń ishinde 14 bala jáne bir áıel bolǵany týraly habarlanǵan. Oppozıtsıonerlerdiń aıtýynsha, bombalaý kezinde sondaı-aq sırııalyq áskerdiń áreketterin túsirip, ony YouTube saıtyna salyp júrgen Anas al-Tarsheh quqyq qorǵaý qozǵalysynyń belsendisi óltirildi.
2011 jyldyń mamyr aıynan bastap Sırııada bılik pen oppozıtsııanyń bir-birine qarsy shyǵýy jalǵasyp, azamattyq soǵysqa aınalý qaýpi bar. BUU-nyń baǵalaýynsha, shıelenis kezinde az degende 5,4 myń adam qaza tapty, olardyń kóbi - beıbit adamdar. Sırııalyq oppozıtsııa qurban bolǵandardyń sanyn keminde 7,5 myń adam dep sanaıdy.
