Sırııadaǵy áskerı qaqtyǵys el ekonomıkasynyń damýyn 40 jyl keıinge yǵystyrýda
ASTANA. 25 qańtar. QazAqparat - 2011 jyly bastalǵan Sırııadaǵy áskerı janjal bul eldiń áleýmettik-ekonomıkalyq damýyn 40 jyl keıinge yǵystyryp otyr. Bul týraly BUU-nyń Batys Azııa elderine arnalǵan Ekonomıkalyq jáne áleýmettik komıssııasynyń baıandamasynda aıtylǵan.
«Eger daǵdarys jalǵasa beretin bolsa, onda Sırııa jyl saıyn ekonomıkalyq damý turǵysynda 7 jyl keıinge oralyp otyrady», - delingen atalǵan baıandamada. Baıandama málimetterine qaraǵanda, Sırııa JІÓ úshin jyl saıynǵy shyǵyn 109 mln. dollarǵa jetip otyr. Buǵan qosa jumyssyzdyq eńbekke qabiletti halyqtyń 42 paıyzyn quraıdy. Al oqýshylardyń 38 paıyzy oqýlaryn jalǵastyrýlaryn doǵarǵan. «Sırııadaǵy daǵdarystyń jalǵasýy aı saıyn 6 myń adamnyń ólimine ákeledi. Sondaı-aq apta ishinde 10 myń sırııalyq jumysynan aıyrylady», - delingen qujatta. Halyqaralyq uıymnyń baǵalaýynsha, Sırııadaǵy qaqtyǵys bastalǵannan beri 130 myń adam qaza taýyp, 2,4 mıllıony elinen bezip ketti.
