Sırııadaǵy terrorlyq uıymdardyń qatarynda bolǵan eki Qazaqstan azamaty qamaýǵa alyndy

ASTANA. KAZINFORM – Ulttyq qaýipsizdik komıteti tergep-teksergen Qazaqstannyń 2 azamatyna qatysty qylmystyq ister boıynsha sot protsesi aıaqtaldy.

Olar 2020-2022 jyldary Sırııadaǵy terrorlyq uıymdardyń qatarynda bolǵan.

Sheteldik áriptestermen birlese júrgizilgen operatsııalardyń nátıjesinde olar shetelde tabylǵan, elge jetkizilip, qamaýǵa alyndy.

Solardyń bireýi Túrkistan oblysynyń turǵyny, terrorıstik toptyń áreketine qatysqany úshin kináli dep tanylǵan (QK 257 baby).

Ekinshisi, Atyraý turǵyny, osyndaı qylmysty jasaǵany, sondaı-aq shetelde terrorlyq daıyndyqtan ótkeni úshin sottalǵan (QK 260 baby).

Eki fıgýrantqa da ártúrli jaza óteý merzimi taǵaıyndalyp, úkim zańdy kúshine endi.

Aıta keteıik, Syrtqy ister mınıstrligi Sırııada elimizdiń 33 azamaty qalǵanyn habarlady. Olar negizinen kezinde Sırııa azamattaryna turmysqa shyǵyp, dúnıege bala ákelgen qazaq áıelderi.

Sırııanyń qıraǵan bóligin kim qalpyna keltiretini jaıly jazǵan bolatynbyz.