Sırııadaǵy sý tasqynynan 2,4 myńnan astam otbasy zardap shekti
ASTANA. KAZINFORM — Sırııanyń shyǵysyndaǵy Deır-ez-Zor provıntsııasynda Evfrat ózeni sýynyń deńgeıi kóterilip, sý tasqyny boldy. Tabıǵı apattan 2,4 myńnan astam otbasy zardap shekti. Bul týraly BELTA jazdy.
Bul týraly Sırııanyń tótenshe jaǵdaılar jáne tabıǵı apattardyń saldaryn joıý jónindegi mınıstri Raed as-Saleh Al-Ikhbaria telearnasyna bergen suhbatynda málimdegen.
Onyń aıtýynsha, bılik tabıǵı apattyń saldaryn joıý jumystaryn júrgizip jatyr. Atap aıtqanda, qorǵanys bógetterin nyǵaıtý, qosymsha tosqaýyldar salý jáne qaýipti aımaqtardan turǵyndardy kóshirý sharalary qolǵa alynǵan.
Al-Ikhbaria málimetinshe, sý tasqyny saldarynan egistik alqaptar sý astynda qalyp, sýmen jabdyqtaý nysandary men birneshe kópirdiń jumysy buzylǵan.
Keltirilgen shyǵyn kólemin baǵalaý úshin Deır-ez-Zor provıntsııasyna Ahmed ash-Sharaa mınıstrler delegatsııasymen birge arnaıy barǵan.
Eske sala keteıik, buǵan deıin Sırııanyń Haseka provıntsııasy aımaǵynda nóser jaýyn saldarynan sý tasqyny bolyp, shamamen 700 úı sý astynda qalǵan bolatyn.
