Sırııadaǵy áskerı aerodrom mańynan bes adamnyń máıiti tabyldy
ASTANA. KAZINFORM – Sırııanyń Homs qalasyndaǵy T4 áskerı aerodromynyń mańynan bes adamnyń máıiti tabyldy, dep habarlaıdy Anadolu.
Sırııanyń «Ál-Ihbarııa» memlekettik telearnasynyń málimetinshe, Homs provıntsııasynda aýmaqty barlaý jumystaryn júrgizgen tehnıkalyq toptar T4 áskerı aerodromynyń mańynan bes adamnyń máıitin tapqan.
Aldyn ala málimet boıynsha, qaza tapqandar birneshe kún buryn aerodrom mańyndaǵy aýmaqqa zańsyz kirip, mınaǵa jarylǵan.
Qazirgi ýaqytta qaza tapqandardyń kim ekeni týraly aqparat jarııalanǵan joq.
Aıta keteıik, keshe Sırııa astanasynda jarylys bolyp, birneshe adam zardap shekkenin jazdyq.
