Sırııada júrgen reseılik telearnalardyń jýrnalısteri mınaǵa uryndy
ASTANA. QazAqparat - Reseılik «Zvezda» jáne NTV telearnalarynyń tórt jýrnalısi men RF QK bes áskeri Sırııada lańkesterdiń mınasyna túsip, jaralandy, dep jazady TASS.
Olardyń ómirine esh qaýip tónip turǵan joq, dep málim etti RF Qorǵanys mınıstrligi.
«6 qarashada Deır-ez-Zor qalasynyń turǵyn úı oramdarynyń birinde reseılik BAQ ókilderi jumys jasap jatqan shaqta terrorısterdiń basqarylatyn fýgasy jarylǵan. Jarylys saldarynan tórt reseılik jýrnalıst: Ilıa Ýshenın (NTV), Tımýr Voronov (NTV), Konstantın Hýdoleev («Zvezda») jáne Dmıtrıı Starodýbskıı («Zvezda»), sondaı-aq jergilikti jerdi mınasyzdandyratyn reseılik Mınaǵa qarsy ortalyqtyń bes áskerı qyzmetshisi zardap shekti»,- dedi vedomostvodan.
Barlyq jaralanǵandar shuǵyl túrde reseılik Hmeımım áýe bazasyna (Latakııa provıntsııasy) evakýatsııalanyp, tıisti medıtsınalyq járdem kórsetilgen. «Dárigerlerdiń aıtýynsha, olardyń ómirine eshqandaı qaýip tónip turǵan joq», - dep qosty Qorǵanys mınıstrligi.
