Sırııada júrgen Qazaqstannyń onshaqty azamaty elge qaıtaryldy - SІM

ASTANA. 15 naýryz. QazAqparat - Aǵymdaǵy jyldyń aqpan-naýryz aılarynda Sırııada júrgen Qazaqstannyń onshaqty azamaty Lıvan, Túrkııa jáne Reseı aýmaǵy arqyly áýe joldarymen elge oraldy. Bul týraly búgin SІM-de ótken brıfıngte vedomstvonyń resmı ókili Janbolat Úsenov málim etti.

«Sırııa Arab Respýblıkasynda ishki ahýaldyń kúnnen kúnge kúrdelene túsýine baılanysty, Konsýldyq qyzmet departamenti, Iordan Hashımıt Koroldigindegi Qazaqstan Elshiligi men Amman qalasynda ýaqytsha ornalasqan Sırııadaǵy Konsýldyq Qazaqstan azamattarynyń qaýipsizdigin qamtamasyz etý maqsatynda tıisti jumystardy atqarýda. Osyǵan baılanysty, Sırııadan aǵymdaǵy aqpan-naýryz aılarynda 10-ǵa tarta Qazaqstan azamattary Lıvan, Túrkııa jáne Reseı aýmaǵy arqyly áýe joldarymen elge qaıtaryldy», - deıdi resmı ókil Janbolat Úsenov.