Sırııada jaýyngerler jaryp jibergen munaı zaýyty órtenip jatyr
ASTANA. 10 qazan. QazAqparat - Jaýyngerler beısenbi kúni Homstaǵy munaı óńdeýshi zaýytqa shabýyldady, dep habarlaıdy Rosbalt.
Zaýyt dırektory Akram Sultannyń sózine qaraǵanda, zymyrandardyń biri munaı qoımasyna kelip túsip, qulaq tundyratyn jarylys pen órt oryn alǵan.
Qazirgi sátte órt sóndirýshiler órtti aýyzdyqtaýǵa jáne onyń munaı zaýytynyń tutas aýmaǵyna jaıylýyna jol bermeýge tyrysýda. Qurbandar týraly aqparat joq.
Buryn habarlanǵandaı, beısenbide Aleppo Soltústik Sırııa provıntsııasyna zymyranmen shabýyldaý saldarynan alty adam qaza taýyp, 16 adam jaraqat alǵan. Zymyrandardy lańkester Azamııa aýdany boıynsha ushyrǵan jáne olar meshitke jaqyn jerde jarylǵan bolatyn. Jarylystan beıbit turǵyndar qaza taýyp, zardap sheken.
