Sırııada jarylystan 6 adam qaza taýyp, taǵy 46-sy zardap shekti

ASTANA. QazAqparat – Beısenbi kúni Sırııa astanasy Damask qalasynyń mańynda jarylys saldarynan 6 adam qaza taýyp, taǵy 46 adam jaraqat aldy, dep habarlaıdy QazAqparat Sınhýa agenttigine silteme jasap.

Jergilikti BAQ-tyń habarlaýynsha, oqıǵa as-Saıd-Zeınab mańyndaǵy as-Sýdan kóshesinde boldy. Onda mototsıklge ornatylǵan jarylǵysh zat qashyqtan iske qosylǵan. Sırııanyń Densaýlyq saqtaý mınıstri Hasan ál-Ǵabbashtyń aıtýynsha, zardap shekken 20 adam jeńil jaraqat aldy. Olarǵa oqıǵa ornynda kómek kórsetildi, qalǵandary aýrýhanalarǵa jetkizildi.

Jarylystan keıin oqıǵa ornyna 11 jedel járdem kóligi jiberilgen. Bul sońǵy 48 saǵatta osy aımaqta bolǵan ekinshi jarylys. 25 shildede mınalanǵan mototsıkldiń jarylýy saldarynan eki adam jaraqat aldy, dep málim etti Sırııanyń adam quqyqtarynyń saqtalýyn baqylaý ortalyǵynan.