Sırııada janarmaı baǵasynyń ósýine qarsy narazylyq jalǵasyp jatyr
ASTANA. KAZINFORM — Sırııanyń birneshe óńirinde janarmaı baǵasynyń qymbattaýyna baılanysty narazylyq kúsheıdi. Osy máselege baılanysty Energetıka mınıstri parlamentke shaqyryldy, dep habarlaıdy Kazinform agenttiginiń menshikti tilshisi.
Ótken demalys kúnderinen beri Sırııada janarmaı baǵasynyń kúrt ósýine qarsy narazylyq ótip jatyr. Seısenbi kúni eldiń soltústik-shyǵysyndaǵy, negizinen kúrdter turatyn ál-Qamyshly qalasynyń kóshelerine júzdegen adam shyqty.
Dızel otyny baǵasynyń 40%-ǵa, benzınniń 26-28%-ǵa, al turmystyq jáne ónerkásiptik gazdyń shamamen 9%-ǵa qymbattaýy halyqtyń narazylyǵyn týǵyzdy. Jınalǵandar baǵanyń ósýin joıýdy, sondaı-aq Sırııanyń Energetıka mınıstri Muhammed ál-Bashır men Sırııa munaı kompanııasynyń basshysyn qyzmetinen bosatýdy talap etti.
Protests erupt in different parts of #Syria over fuel price hikes, with demonstrators blocking the Deir ez-Zor–Raqqa road and another road in Khan Shaykhun, Idlib countryside, setting fires in protest. https://t.co/NfP6eOMrmr
— Al Mayadeen English (@MayadeenEnglish) September 13, 2026
Reuters málimetinshe, bul geografııalyq aýqymy jaǵynan Bashar Asad bılikten ketken 2024 jylǵy jeltoqsannan bergi eń aýqymdy narazylyq boldy.
Sońǵy kúnderi Aleppo, Hama, Han-Sheıhýn, Maarrat-án-Nýǵman jáne basqa da eldi mekenderde narazylyqtar ótti. Qatysýshylar kólik joldaryn, sonyń ishinde Damask pen Aleppony jalǵaıtyn tasjoldy bógep, dóńgelekterdi órtedi.
Dúısenbide birneshe provıntsııada narazylyq jalǵasty. Qatysýshylar eldiń ortalyq bóligindegi munaı óńdeý zaýyttaryna baǵyt alǵan munaı tasymaldaıtyn avtotsısternalardyń jolyn bógedi.
Protests in Syria continue on its second day with the protestors blocking the border crossing between Syria & Iraq. Protests have been announced and are ongoing in most of northern Syria https://t.co/BJ7vTgpxZK
— Scharo Bajalan (@ScharoBajalan) September 14, 2026
Seısenbi kúni ál-Qamyshly qalasynyń júzdegen turǵyny janarmaı baǵasynyń qymbattaýyna jáne «ashtyq saıasatyna» qarsylyq bildirgen plakattarmen kóshege shyqty. Olar dızel otyny men nan baǵasyn tómendetýdi talap etti. Turǵyndardyń aıtýynsha, qosymsha shyǵyndar tabysy tómen otbasylarǵa aýyr tıedi.
Sonymen qatar azyq-túlik pen kólik baǵasynyń odan ári qymbattaý qaýpi de halyqtyń narazylyǵyn kúsheıtip otyr.
Protests have erupted in Syria after the government raised fuel prices by up to 40% for diesel and up to 28% for gasoline. The government cites higher import costs and the Baniyas refinery overhaul. https://t.co/JyuBiovULh
— Al Jazeera English (@AJEnglish) September 14, 2026
Sırııanyń Energetıka mınıstrligi janarmaı baǵasynyń qymbattaýyn ýaqytsha shara dep atady. Mınıstrlik buǵan munaı ónimderin satyp alý, tasymaldaý jáne saqtandyrý shyǵyndarynyń álemdik naryqta ósýi sebep bolǵanyn málimdedi. Buǵan qosa, eldegi eń iri Banııas munaı óńdeý zaýytynyń úsh aıǵa josparly kúrdeli jóndeýge jiberilýi otyn jetkizilimine qosymsha salmaq túsirdi. Jóndeý aıaqtalǵannan keıin kásiporynnyń táýliktik qýatyn 80 myńnan 130 myń barrelge deıin arttyrý josparlanyp otyr.
Syria’s Baniyas Refinery is undergoing its most extensive overhaul to date, with work aimed at raising processing capacity from around 80,000 to 130,000 barrels per day and improving the reliability of domestic fuel supplies, the Syrian Petroleum Company said.
— SANA English (@SANAEnOfficial) September 11, 2026
Energetıka mınıstri Muhammed ál-Bashırdiń aıtýynsha, Sırııa táýligine shamamen 102 myń barrel munaı óndiredi. Al eldiń ishki qajettiligi shamamen 325 myń barreldi quraıdy. Jetpeıtin kólem ımport esebinen qamtamasyz etiledi.
Bılik ókili Abdelhamıd Salıattyń aıtýynsha, janarmaı baǵasy álemdik naryqtaǵy jaǵdaıǵa qaraı qaıta qaralyp otyrady. Uzaq merzimdi perspektıvada bılik otyndy óńdeý jáne saqtaý qýattaryn arttyrýdy josparlap otyr.
Sırııadaǵy narazylyqtarǵa baılanysty Halyq keńesi (parlament) 17 qyrkúıekte Energetıka mınıstrin shaqyryp, máseleni talqylaýdy josparlap otyr. SANA agenttiginiń málimetinshe, bul sheshim parlamenttiń Energetıka komıtetiniń suraýy boıynsha qabyldanǵan.
Depýtattar baǵanyń ósýine ne sebep bolǵanyn jáne jańa tarıftik mólsherlemelerdiń qandaı negizde engizilgenin suramaq.
Syria’s People’s Assembly on Monday approved a hearing with Energy Minister Mohammad al-Bashir on the reasons behind the latest increase in petroleum product prices #PeoplesAssembly #FuelPrices #EnergyMinistry #SANANews https://t.co/74XIfr9Fhb https://t.co/nlGFErhWHK
— SANA English (@SANAEnOfficial) September 14, 2026
Bul — Iranmen soǵys bastalǵaly beri janarmaı baǵasynyń kezekti ret kóterilýi. Reuters agenttiginiń esebinshe, aqpan aıynan beri Sırııada oktan sany 95 bolatyn benzın shamamen 86 paıyzǵa, al dızel otyny eki eseden astam qymbattaǵan. Osy kezeńde Brent markaly munaıdyń baǵasy shamamen 44% ósken.
Janarmaı baǵasynyń ósýi birneshe jyldan beri ekonomıkalyq daǵdarystyń zardabyn tartyp otyrǵan Sırııa halqyna túsetin aýyrtpalyqty kúsheıtip otyr. BUU Damý baǵdarlamasynyń baǵalaýynsha, qazirgi ýaqytta sırııalyqtardyń shamamen 90%-y kedeılik sheginen tómen ómir súredi. Al 2011 jyly soǵys bastalǵanǵa deıin bul kórsetkish halyqtyń shamamen úshten birine teń bolǵan.
Buǵan deıin Iordanııa, Sırııa jáne Lıvan Arab qubyry arqyly gaz almasýǵa keliskeni habarlanǵan bolatyn.
Aqzat Jıenalına
