Sırııada VII ǵasyrǵa tıesili Omar meshiti jarylystan jartylaı qırap qaldy
ASTANA. 16 sáýir. QazAqparat - Sırııanyń Daraııa qalasyndaǵy Omar meshiti jarylystan jartylaı qırap qaldy. Úkimet áskeri men kóterilisshiler jetinshi ǵasyrda turǵyzylǵan kóne qulshylyq úıiniń jarym-jartylaı úıindige aınalǵanyn bir-birinen kórip, bir-birin jazǵyrýda. Bul týraly muslim.kz saıty habarlaıdy.
«Kúl-talqany shyqqan ǵıbadat úıiniń munarasy beıne taspaǵa túsirilip, YouTube-qa ornalastyrylǵan. Aıta ketetin jaıt, dál osy meshitte 2011 jyly Bashar Asadtyń rejımine qarsy alǵashqy narazylyq aktsııasy ótken bolatyn», - dep jazady Astanadaǵy Áziret Sultan meshitiniń resmı saıty.
