Sırııada ýaqytsha úkimet mınıstrlikteriniń basshylary taǵaıyndaldy

ASTANA. KAZINFORM – Ákimshilik basshysy bolyp Ahmed ash-Shara taǵaıyndaldy, al premer-mınıstr qyzmetin Muhammed ál-Bashır atqarady, dep habarlaıdy Kazinform Anadoly aqparat agenttigine silteme jasap.

Agenttiktiń habarlaýynsha, jańa ákimshilikte jaýapkershilikterdi bólý negizinen aıaqtaldy, biraq kún talabyna saı jańa mınıstrlikter qurylyp, jańa taǵaıyndaýlar jasalýy múmkin.

Jaýapkershilikter kelesideı bólindi:

Ákimshilik basshysy Ahmed ash-Shara, premer-mınıstr Muhammed ál-Bashır, syrtqy ister mınıstri Esaad Hasan Sheıbanı, ishki ister mınıstri Muhammed Abdýrrahman, ádilet mınıstri Shadı ál-Veısı, aqparat mınıstri Muhammed ıAkýb ál-Omar, densaýlyq saqtaý mınıstri Mahır Shara, Aýyl sharýashylyǵy jáne ırrıgatsııa mınıstri Muhammed Taha ál-Ahmad, Bilim jáne kásibı daıarlaý mınıstri Nezır Muhammed ál-Qadırı, jergilikti ózin-ózi basqarý jáne qyzmet kórsetý mınıstri Muhammed Abdýrrahman Mýslım, qaıyrymdylyq isteri mınıstri Hýsam Hadj Hýseın, joǵary bilim mınıstri Abdýlmýnım Abdýlhafız, Ekonomıka jáne saýda mınıstri Basıl Abdýlazız jáne áıelder isteri basqarmasynyń basshysy Aısha ál-Dıbs.

Buǵan deıin Sırııa taıaý ýaqytta eldiń Qorǵanys mınıstrligi men armııasynyń jańa qurylymyn jarııalamaq ekenin jazǵan bolatynbyz.