Sırııada turǵyndar haıýanattar baǵyndaǵy arystandy soıyp jegen
ASTANA. 30 qarasha. QazAqparat - Sırııalyqtar haıýanattar baǵyndaǵy arystandy jep qoıdy. The Independent basylymynyń aqparaty boıynsha, atalǵan jaǵdaı Sırııanyń astanasy Damaskiniń mańyndaǵy qalalardyń biri Shyǵys Gýtede bolǵan.
Bul oqıǵanyń oryn alýynyń úsh boljamy bar: birinshi nusqasy boıynsha, janýardy onyń terisinen qundy kıim jasaý úshin óltirgen. Ekinshi boljam, ony ash sırııalyqtar basqa tamaqtyń bolmaýynan soıyp alǵan. Jáne sońǵy boljam boıynsha, arystandy óltirý Sırııa bıligine degen astary bar «habarlama»: el prezıdenti Bashar Asadtyń tegi arab tilinen aýdarǵanda «arystan» degen sózdi bildiredi.
