Sırııada toıda jarylys bolyp, 33 adam zardap shekti

ASTANA. KAZINFORM — Sırııanyń ońtústigindegi Daraa provıntsııasyndaǵy Abıdın aýylynda úılený toıyna granatamen jasalǵan shabýyldan 33 adam zardap shekti, olardyń arasynda balalar da bar. Bul týraly Report agenttigi jazdy.

Málimetterge qaraǵanda, belgisiz bireýler toı ótetin jerge eki granata laqtyryp, kelgen qonaqtardy jaralaǵan.

— Jaraqat alǵandardyń jaǵdaıy jeńil, ne bolmasa aýyr dep aıtýǵa kelmeıdi. Barlyǵy qalypty jaǵdaıda. Tek bir adamnyń aıaǵyn kesýge týra kelgen, — deıdi jergilikti sheneýnik.

Oqıǵa boıynsha tergeý bastaldy, quqyq qorǵaý organdary jaǵdaıdyń barlyq mán-jaıyn anyqtap jatyr.

Apta basynda Sırııa astanasy Damaskide jarylys boldy. Oqıǵa Sırııanyń burynǵy prezıdenti Bashar Asad úkimetiniń qulaýynyń bir jyldyǵyna arnalǵan is-sharalarǵa daıyndyq kezinde bolǵan.