Sırııada terrorıstik topta bolǵan Qazaqstan azamaty Bolgarııada ustalyp, elge ákelindi

Terrorıstik toptyń múshesi Bolgarııadan ekstradıtsııalandy, dep habarlaıdy Kazinform.

Búgin Bas prokýratýra, Ulttyq qaýipsizdik komıteti jáne ІІM Interpolynyń qyzmetkerleri Syrtqy ister mınıstrliginiń járdemimen Bolgarııadan Qazaqstan  azamatyn ekstradıtsııalady.

Ol terrorıstik toptyń jumysyna qatysqany úshin qylmystyq jaýapkershilikke tartylady.

Ol radıkaldy dinı aǵymnyń qoldaýshysy bola tura 2015 jyly Sırııa Arab Respýblıkasynyń aýmaǵyna baryp terrorıstik toptyń quramyna kirgen.

Osyǵan baılanysty oǵan qatysty tergeý bastalyp, halyqaralyq izdeý jarııalandy.

Mamyr aıynda kúdikti Bolgarııa aýmaǵynda ustalǵan. 

Qazirgi ýaqytta Astana qalasynyń tergeý ızolıatorynda qamaýda otyr. 

Ekstradıtsııa Bolgarııa tarapymen 2014 jylǵy 14 qarashada jasalǵan ekijaqty sharttyń arqasynda múmkin boldy.

Oǵan taǵylǵan aıyp boıynsha múlkin tárkileýmen birge 8 jyldan 12 jylǵa deıin bas bostandyǵynan aıyrý jazasy kózdelgen.