Sırııada sheshek aýrýyna qarsy ekpeden soń kóz jumǵan balalar sany 100-ge jetti
ASTANA. QazAqparat - Idlıb provıntsııasynyń soltústik-batys aımaǵyndaǵy sırııa oppozıtsııasynyń baqylaýyndaǵy aýdanda sheshek aýrýyna qarsy sapasyz vaktsına egý saldarynan kóz jumǵan balalar sany 100-ge jetti. Bul týraly sársenbi kúni BUU Sırııadaǵy ókili Bashar Djaafarı habarlady. Buǵan deıin BAQ-ta 40 bala dep habarlanǵan bolatyn, dep jazady ITAR-TASS.
«Bizge túsken málimet boıynsha, 100 bala qaza tapqan», - dedi dıplomat. Djaafarıdiń sózine qaraǵanda, sapasyz vaktsına Túrkııada daıyndalǵan. «Biz Dúnıejúzlik densaýlyq saqtaý uıymyna bolǵan oqıǵany egjeı-tegjeıli tekserýlerin suradyq», - dedi ol.
