Sırııada reseılik ushaq apatqa ushyrap, 32 adam mert boldy
ASTANA. QazAqparat - Sırııada reseılik An-26 ushaǵy jerge qonǵaly jatqanda apatqa ushyrap, 32 adam mert bolǵan, dep jazady TASS.
Bul týraly RF Qorǵanys mınıstrligi habarlaǵan.
«6 naýryzda Máskeý ýaqytymen 15:00-de Hmeımım áýe aılaǵyna qonaıyn dep jatqan An-26 reseılik kólik ushaǵy apatqa ushyrady. Aldyn ala derek boıynsha, ushaqtyń bortynda 26 jolaýshy men ekıpajdyń alty múshesi bolǵan. Olardyń barlyǵy qaza tapty», - delingen habarlamada.
«Aldyn ala derek boıynsha, áýe apaty tehnıkalyq aqaý saldarynan bolǵan», - dep málim etken áskerı vedomstvodan.
Foto: Vitaliy Nevar/TASS
