Sırııada Reseıdiń Ka-52 tikushaǵy apatqa ushyrady
MÁSKEÝ. QazAqparat - Sırııada Reseı Federatsııasynyń Ka-52 tikushaǵy apatqa ushyrap, eki ushqysh qaza tapty. Bul týraly RF Qorǵanys mınıstrligine siltememen TASS habarlaıdy.
«Sırııa Arab Respýblıkasynyń shyǵys aýdandarynda josparly ushý tapsyrmasyn oryndaý kezinde reseılik Ka-52 tikushaǵy apatqa ushyrap, eki ushqysh qaza tapty», - delingen vedomstvo habarlamasynda.
Sondaı-aq, mınıstrlik izdeý-qutqarý toby eki ushqyshtyń denesin bazalyq áýejaıǵa jetkizgenin málim etti.
«Aldyn ala boljam boıynsha, apatqa tehnıkalyq aqaý sebep bolýy múmkin», - dep habarlaǵan RF QM ókilderi.
