Sırııada prezıdenttik saılaý maýsymda ótetin boldy
ASTANA. QazAqparat - Sırııalyq parlament spıkeriniń habarlaýynsha, elde úsh jylǵa sozylǵan azamattyq soǵysqa qaramastan, prezıdenttik saılaý maýsymnyń úshinde ótkiziledi. Bul jaıynda Muhammad Djıhad ál-Laham Damaskte parlamenttiń arnaıy sessııasynda málim etti.
Ótken aptada Prezıdent Bashar Asad úkimettik kúshter sırııalyq qaqtyǵysta jeńiske jetýge jaqyndaǵanyn aıtqan bolatyn. Aıta keteıik, Sırııadaǵy soǵystyń saldarynan 150 myńnan astam adam ajal qushyp, mıllıondaǵan azamattar ózderiniń úılerin tastap ketýge májbúr boldy.
