Sırııada polıomıelıt indeti qaýip týdyryp otyr - DDSU
ASTANA. 29 qazan. QazAqparat - Dúnıejúzilik densaýlyq saqtaý uıymy (DDSU) sırııalyq balalar arasynda polıomıelıtke shaldyǵýdyń 10 oqıǵasyn rastady. Olardyń basym bóligi - eki jasqa deıingi sábıler.
Sheteldik BAQ-tyń málimetine qaraǵanda, taǵy 12 balaǵa qatysty qosymsha zerthanalyq sharalar júrgizilýde. DDSU-nyń habarlaýynsha, bul - Sırııada 14 jyldan bergi paıda bolǵan indettiń alǵashqy oshaǵy.
Mamandardyń pikirinshe, vırýstyń barsha óńirge taralý qaýpi bar.
Polıomıelıt (julynnyń qabynýy) - negizinen ortalyq júıke júıesin zaqymdaıtyn juqpaly aýrý.
BUU derekteri boıynsha, Sırııada 500 myńǵa jýyq balaǵa atalǵan dertke qarsy egý sharalary júrgizilmegen.
