Sırııada parlamenttik saılaýǵa daýys berý úshin 7 myńnan astam ýchaske ashyldy
ASTANA. QazAqparat - Sırııada tańerteńgi saǵat 7.00-de qaýipsizdik sharalary kúsheıtilgen jaǵdaıda parlamenttik saılaýda daýys berý úshin 7 myńnan astam saılaý ýchaskeleri ashyldy.
Sırııalyqtar saǵat keshki 19.00-ge deıin daýys bere alady, dep habarlady TASS.
Halyq Keńesine saılaý 15 provıntsııanyń 13-inde ótedi. Saılaý «Islam memleketi» men "Djebhat an-nýsra" terrorlyq toby sodyrlarynyń baqylaýyndaǵy Evfrattaǵy Rakka men Idlıbte ǵana ótpeıdi. Bul óńirdiń bosqyndary olar ýaqytsha turatyn oryn boıynsha saılaý ýchaskelerinde daýys bere alady.
Halyq keńesi 250 depýtattan turady. Olar tórt jyl merzimge jalpyǵa birdeı, tikeleı, jasyryn daýys berý arqyly saılanady.
Kandıdattar jasy 25-ten joǵary, sottalmaǵan, sırııalyq azamattyǵy 10 jyldan kem bolmaýy tıis.
