Sırııada parlament saılaýy 5 qazanda ótedi

ASTANA. KAZINFORM – Sırııanyń saıası ómiri jańa kezeńge aıaq basty, dep habarlaıdy Kazinform menshikti tilshisi.

Komıtet sondaı-aq saılaý organdarynyń jumysyna shaǵym berý merzimin 21 qyrkúıekke deıin uzartý týraly jarııalady. Buǵan deıin Sırııa bıligi saılaýdy qyrkúıektiń 15-i men 20-sy aralyǵynda ótkizýdi josparlaǵan bolatyn.

Rásimge sáıkes, protsess kandıdattardyń ótinishterin qabyldaýǵa jaýapty saılaý organdaryn (eskertý. saılaý alqasyn) taǵaıyndaıtyn Joǵarǵy saılaý komıtetiniń kishi komıssııalardy qurýynan bastalady. Osy ótinimder negizinde aldyn ala tizimder jasalady. Kandıdattardy tirkeýge qatysty shaǵymdar túpkilikti tizimder bekitilgenge deıin ruqsat etiledi.

Daýys berýdi saılaý organdary (saılaý alqalary) tikeleı jáne jasyryn daýys berý arqyly ótkizedi jáne túpkilikti qorytyndy Prezıdenttiń jarlyǵymen bekitiledi. Parlamenttegi 210 depýtattyń úshten birin, ıaǵnı 70 depýtatty prezıdent taǵaıyndaıdy.

SANA aqparat agenttiginiń málimetinshe, ótken aıda saılaý komıssııasy turaqsyzdyq pen qarýly toptardyń bolýyna baılanysty úsh provıntsııada – Sýveıda, Hasake jáne Rakkada daýys berý keıinge shegeriletinin málimdegenimen, halyq jınalysynyń 210 múshesine daýys berý «barlyq saılaý okrýgterinde» ótedi.

Aldaǵy naýqan 2024 jyldyń jeltoqsanynda Bashar Asad qashqannan keıin bılikke kelgen Sırııanyń ýaqytsha prezıdenti Ahmed ash-Sharaa basqaratyn jańa ákimshilik qurylǵannan bergi alǵashqy naýqan bolmaq.

Jańa parlament ekonomıkalyq reformaǵa baǵyttalǵan zańnamany bekitýde, sondaı-aq eldiń syrtqy saıası odaqtaryn ózgertýi múmkin kelisimderdi ratıfıkatsııalaýda mańyzdy ról atqarýy tıis.

Osy jyldyń naýryz aıynda Sırııa ash-Sharaanyń basshylyǵymen ótpeli kezeńniń negizin belgileıtin konstıtýtsııalyq deklaratsııa jarııalady.

Buǵan deıin Sırııa qaýipsizdik maqsatynda úsh provıntsııadaǵy saılaýdy keıinge qaldyrǵanyn jazǵan bolatynbyz.