Sırııada negizgi qala Marea úshin shaıqas júrip jatyr
ASTANA. QazAqparat - Senbide Sırııa soltústigindegi Marea qalasynda sırııalyq oppozıtsııa kúshteri men «Islam memleketi» ekstremıstik toby arasyndaǵy qaqtyǵystan 47 adam qaza tapty, dep jazady Bı-bı-sı.
«Sırııa adam quqyqtaryn baqylaıtyn táýelsiz quqyq qorǵaý uıymy» IM sodyrlary 27 adamdy óltirgenin habarlady.
Marea qalasy Túrkııa shekarasyna jaqyn ornalasqan. Budan buryn AQSh pen Túrkııa ony «Islam memleketine» qarsy qorǵanǵa aınaldyrýdy josparlaǵanyn málimdegen.
Shildede AQSh IM Mareaǵa shabýyl kezinde hımııalyq qarý qoldanǵanyn habarlady.
AQSh qorǵanys mınıstrliginiń ókili Bı-bı-sıge qysha gazy qoldanylǵan bolýy múmkin ekenin aıtqan. AQSh bıligi tergeý júrgizýde, ázirge munyń egjeı-tegjeıin ashpady.
