Sırııada mınomet shabýylynan keminde 12 adam qaza tapty
ASTANA. QazAqparat - Sırııanyń ońtústik-batysynda ornalasqan Dýma qalasynda mınometpen atqylaý barysynda keminde 12 adam, onyń ishinde bir bala qaza tapty, dep habarlady sheteldik BAQ.
«Dýmanyń túrli aýdanyn rejimniń kúsh-qýat qurylymdary tarabynan mınometpen atqylaý barysynda keminde 12 adam, onyń ishinde bir áıel men sábı óldi», - delingen taratylǵan aqparatta.
«Bombalaý tosynnan bastaldy. Ol jerde oınap júrgen balalar kóp bolatyn. 1 mınýt ótkennen keıin jan-jaqta ólgenderdiń múrdesi men jaralanǵandar shashylyp jatty», - dedi oqıǵa kýágerleriniń biri. Onyń sózine qaraǵanda, jergilikti aýrýhana jaraqat alǵandarǵa lyq toly. Dárigerler oryn bolmaı jerde jatqan adamdarǵa da medıtsınalyq kómek kórsetýde.
Aıta keteıik, 2011 jyldyń naýryzynan beri Sırııada qarýly qaqtyǵys jalǵasýda. BUU málimetterine sáıkes, osy ýaqytqa deıin 170 myńnan astam adam qaza tapqan.
