Sırııada memlekettik aqparattyq agenttiktiń ǵımaraty shabýylǵa ushyrady
ÁBÝ-DABI. 4 aqpan. QazAqparat - Sırııa astanasy Damask qalasynda kezekti jarylys boldy.
Bul joly sırııalyq «Sana» aqparattyq agenttiginiń ǵımaraty zardap shekti, dep habarlaıdy arab BAQ-tary.
Derekkózderdiń atap ótýinshe, jarylys saldarynan «Sana» agenttiginiń ǵımaraty aıtarlyqtaı zardap shekti. Oqıǵa bolǵan ál-Baramke aýdanyna sırııalyq ásker men jedel medıtsınalyq kómektiń iri kúshteri kelip jetti.
Monıtorıngileýdiń túrli toptarynyń bergen málimetterine sáıkes, jeksenbi kúni Aleppo qalasynda on úsh adam qaza tapty. Adam quqyqtaryna baqylaý júrgizetin sırııalyq top atap ótkendeı, kezinde Sırııanyń iri kommertsııalyq ortalyǵy bolǵan Aleppo qalasynyń úlken ýchaskeleri áskerler ótken jyldyń shilde aıynyń ortasynan bastap qalaǵa kórshiles aımaqtardan kirip jatqan búlikshilerdi toqtatý úshin jappaı tazartýǵa kiriskeli beri búlindi.
BUU-nyń málimetterinshe, Sırııadaǵy jıyrma eki aılyq janjal saldarynan 60 myńnan astam adam óltirildi.
