Sırııada lańkestik top shabýyl jasap, 100-den asa adam kóz jumdy

ASTANA. KAZINFORM — Sırııanyń Aleppo provıntsııasyndaǵy el armııasy baqylaýyndaǵy aımaqtarǵa shabýyl jasaldy. Qaqtyǵys saldarynan 130 adam qaza tapty. Bul týraly Kazinform agenttiginiń tilshisi habarlady.

Sırııa qarýly kúshteri shabýyldy Sırııanyń soltústik-batysynyń kóp bóligin baqylaıtyn «Haııat Tahrır ash-Sham» uıymy jasaǵanyn málimdedi.

«Bizdiń kúshter jaǵdaıdyń burynǵy qalpyna keltirý úshin kúres júrgizýde», — delingen armııa málimdemesinde.

Sırııadaǵy adam quqyqtaryn baqylaý ortalyǵynyń málimetinshe, qaqtyǵystar kezinde qaqty, ysqa qatysqan eki taraptan 100-den asa adam qaza tapqan.

Sırııalyq SANA agenttiginiń habarlaýynsha, «Sırııa qarýly kúshteri ártúrli qarý túrlerin qoldanyp, lańkestik shabýylǵa toıtarys bergen.

Aıta ketsek, «Haııat Tahrır ash-Sham» (HTSh) toby «Ál-Qaıdanyń» (Qazaqstanda tyıym salynǵan — avt.) burynǵy sırııalyq bólimi jáne Sırııanyń soltústik-batysynyń bir bóligin baqylaıdy. Burynǵy jyldary bul top «Djabhat an-Nýsra» dep ataldy, biraq keıin «Ál-Qaıdadan» alshaqtaý úshin atyn ózgertti.