Sırııada lańkesterdiń atysynan 270-ten astam adam kóz jumdy
ASTANA. QazAqparat - Lańkesterdiń sırııalyq qalalarda atys uıymdastyrýy saldarynan 270-ten astam adam qaza taýyp, taǵy birneshe júzdegen adam jaraqattandy. Bul týraly Sırııada jaýlasýshy taraptardy tatýlastyrý ortalyǵyna silteme jasap Rosbalt habarlady.
Atap ótkendeı, 40 adam «Djebhat an-Nýsra» jáne «Ahrar ash-Sham» (ekeýi de RF-da tyıym salynǵan) toptarynyń soltústik Aleppodaǵy Sheıh-Masqud oramynda kúrdter men jergilikti turǵyndardyń pozıtsııalaryna jasaǵan artıllerııalyq soqqysynyń qurbandary boldy. Taǵy shamamen 100 adam zardap shekken.
Qaza tapqandar men jaraqattanǵandardyń arasynda beıbit turǵyndar, polıtseıler jáne áskerı qyzmetkerler bar ekeni atap ótiledi.
Sońǵy táýlikterde Sırııada «tynyshtyq rejımin» buzýdyń 10 oqıǵasy tirkelgen - segizi Aleppoda jáne ekeýi Damaskide. Lańkester Latakııa, Homs, Damaskidegi eldi mekender, Dera provıntsııasyna, sondaı-aq Hama qalasynyń áýejaıyna oq jaýdyrdy.
