Sırııada keshegi zilzaladan 4 turǵyn qaza taýyp, 470 adam zardap shekken

ASTANA. QazAqparat – Keshe Túrkııada bolǵan jerasty dúmpýi kórshiles Sırııaǵa da zalal keltirgen, dep habarlaıdy QazAqparat Deutsche Welle agenttigine silteme jasap.

Aldyn ala derek boıynsha 4 adam qaza tapqan.

Sırııanyń adam quqyqtary jónindegi baqylaý ortalyǵynyń (SOHR) dereginshe, 470 adam zardap shekti: onyń 320-y úkimet baqylaýyndaǵy óńirlerde bolsa, 150-i Sırııanyń kóterilisshiler baqylaýyndaǵy soltústik-batys aýdandarynda.

Birneshe apta buryn ǵana Túrkııa men Sırııanyń shekarasynda magnıtýdasy 7,8 baldyq joıqyn zilzala boldy.

6 aqpandaǵy apat eki elde 46 000-nan asa adamnyń ómirin qıdy.

Dúnıejúzilik densaýlyq saqtaý uıymynyń baǵalaýynsha, sol kezde jer silkinisi saldarynan 23 mln adam zardap shekken.

Eske sala keteıik, keshe Túrkııanyń Hataı provıntsııasyna qarasty Defne aýdanynda da 6,4 magnıtýdalyq jer silkinisi tirkelgen edi. Keshirek qýaty 5,8 magnıtýdaǵa jetetin taǵy bir jer silkinisi boldy.

Jańa jer silkinisinen Túrkııada 3 adam qaza tapqan, 300-ge jýyq turǵyn jaraqattanǵan.

Antakııa men Iskenderýn qalalarynyń arasyndaǵy jol qırady. Búlingen ǵımarattar da bar ekeni aıtylyp jatyr.

Foto: Berkcan Zengin/Reuters