Sırııada qazir qansha Qazaqstan azamaty bar

ASTANA. KAZINFORM — QR Syrtqy ister mınıstrligi keıbir qazaqstandyqtardyń nelikten turaqsyz saıası jaǵdaıda qalýdy tańdaǵanyn túsindirdi.

Syrtqy ister mınıstrligi búgin Sırııada elimizdiń 33 azamatynyń qalǵanyn habarlady. Olar negizinen kezinde Sırııa azamattaryna turmysqa shyǵyp, dúnıege bala ákelgen qazaq áıelderi.

— Osy respýblıkada tóńkeris bastalǵan kezde bizdiń konsýl olarmen baılanysqa shyǵyp, úılerine qaıtqylary kele me dep surady. Qazaqstanǵa qaıtqysy keletinder qazir elde. Dıplomattar qalǵandarymen turaqty baılanysta, — delingen SІM málimdemesinde.

Buǵan deıin jańa bılik sırııalyqtardy otanyna oralýǵa shaqyrǵanymen, halyqaralyq uıymdar eldegi jaǵdaı óte aýyr kúıinde qalyp otyr dep dabyl qaqqany habarlanǵan bolatyn.

Aıta keteıik, buǵan deıin Sırııanyń qıraǵan bóligin kim qalpyna keltiretini aıtyldy.

Sondaı-aq, Germanııa kantsleri sırııalyq bosqyndarǵa qoldaý bildirgeni habarlandy.