Sırııada ıslamshylar Qudaıǵa til tıgizgeni úshin tórt adamnyń basyn kesti
ASTANA. QazAqparat - «Islam memleketi» tobynyń sodyrlary Sırııada Qudaıǵa til tıgizgeni úshin tórt er adamnyń basyn kesti, dep habarlady Reıter agenttigi Londondaǵy «Sırııadaǵy adam quqyǵyn baqylaý» uıymyna silteme jasap.
Quqyq qorǵaýshylardyń aqparatynsha, adamdar Homs qalasynyń shyǵysyndaǵy aýyldardyń birinde óltirilgen.
Osyǵan uqsas jaǵdaı týraly olar seısenbi kúni habarlaǵan. Onda qala ortalyǵynda adamnyń basyn kesip tastaǵyn.
Sonymen qatar, Sırııanyń soltústiginde juma namazynan keıin «Islam memleketiniń» sodyrlary bir erkek pen áıeldi joldasynyń kózine shóp saldy dep aıyptap, olarǵa tas laqtyrǵan.
Jergilikti turǵyndar men belsendiler Sırııa men Iraktaǵy ıslam tobynyń baqylaýyndaǵy aýdandarda adamdardyń basy shabylyp, olarǵa tas laqtyrý jazalary paıdalanylyp jatqanyn aıtady.
Mundaı jazaǵa zınaqorlyq, gomoseksýalızm, Qudaıǵa til tıgizý syndy sharıǵat zańynyń buzylýy sebep bolýy múmkin.
