Sırııada iri jarylys bolyp, 8 adam ajal qushty, 40-tan astam adam jaralandy
ÁBÝ-DABI. 7 qarasha. QazAqparat - Jarylǵysh zatqa toly avtokólik sársenbi kúni Sırııanyń Sýveıda qalasynda Arab Respýblıkasynyń áskerı barlaý ǵımaratynyń janynda jaryldy.
«Ózin-ózi ólimge qıǵan jankeshti avtokólikti Sırııanyń áskerı áýe kúshteri nysanynyń janynda jarǵan», - dep habarlady Sırııanyń adam quqyǵyn qorǵaý boıynsha ortalyǵynan.
Lańkestik aktiniń saldarynan kem degende segiz adam qaza boldy, olardyń arasynda Sırııa arnaıy qyzmetiniń joǵary shendi polkovnıgi bar. Odan basqa, qyryqtan astam adam jaralandy.
Sırııanyń ońtústigindegi Sýveıda qalasy sońǵy eki jyldaǵy qaqtyǵystardan ada, áldeqaıda tynysh qalalardyń biri edi. Qala halqynyń negizgi bóligin arab tildi etnokonfessııaaralyq top quraıdy.
Qazirgi ýaqytta álemdik qaýymdastyq Sırııadaǵy qaqtyǵysty sheshýdiń dıplomatııalyq joldaryn izdestirýde.
