Sırııada halyq sanaǵy júrgizilip, jańa Konstıtýtsııa qabyldanady

ASTANA. KAZINFORM – Sırııadaǵy jańa bılik halyq sanaǵyn júrgizip, jańa Konstıtýtsııany bekitý jáne erkin saılaý ótkizýdi qamtıtyn «jol kartasyn» jarııalaıdy. Bul týraly túriktiń Hürriyet gazeti keltirgen derekkózderge silteme jasaı otyryp Report agenttigi habarlady.

– Jańa Sırııany qurýdyń ýaqyty keldi. Ýaqytsha ákimshilik qurylǵannan keıin «jol kartasy» jarııalanady. Jańa Konstıtýtsııa bekitilip, halyq sanaǵy júrgiziledi jáne erkin saılaý protsesi uıymdastyrylady, - dep jazady basylym. 

Aıta keteıik, Reseıdiń Syrtqy ister mınıstrligi Bashar Asad bılikti beıbit jolmen tapsyratynyn aıtyp, elden ketkenin málimdegen edi. 

Bashar Asad pen onyń otbasy músheleri Máskeýge keldi. 

Pýtın Asadqa saıası baspana berdi. 

Sırııa áskerıleri Irakqa ketip qaldy. 

Túrik tarapy Túrkııada turatyn sırııalyq bosqyndardyń eline aman-esen oralýy úshin bar kúsh-jigerin salady.